香
港
電
台
面
書
媒體:第二台|日期:25/11/2023
喺古蹟裏面玩「耍盲雞」 (捉迷藏),來一個「非比尋常」嘅感觀體驗,有無得諗? 2024香港藝術節@大館節目《盲宮捉》係一個結合教育、培訓及演出嘅計劃,除了提供感官之旅工作坊,亦會安排導盲員培訓及排練,最後仲有一個公開演出。黑暗劇場藝術總監兼《盲宮捉》藝術總監及導演陳衍泓 Comma、以及演出嘅心理學顧問區永東Winton,將會介紹整個計劃嘅來龍去脈,帶出背後嘅意義。 中醫主要係激發身體嘅自然治癒力,藉以維持健康、改善疾病嘅傳統醫生;而音樂具有改善健康及幸福感亦已有科學研究證明。藝術 x 身心靈《對症下樂》音樂會,由兩位中樂演奏家陳璧沁及馬詩恩 Yanki,以胡琴和揚琴帶來多首樂曲,呈現一場融合中樂及中醫文化的跨界藝術體驗,紓緩城巿人的亞健康狀態~ 注意:由於節目調動關係,下星期<藝文谷>將會暫停播出一次,敬請留意。
www.rthk.hk/radio/radio2/programme/culturecon/episode/919748
媒體:第二台|日期:18/11/2023
音樂劇《大狀王》喺上屆香港舞台劇獎奪得十個獎項,今次載譽而歸,填詞人岑偉宗與編劇張飛帆介紹重演的特別之處,還會分享與音樂總監高世章有關嘅趣事~ 大館古蹟及藝術館,相信好多朋友都到訪過,要喺呢個地方進行藝術創作,必然會同呢一度嘅歷史相關。鋼琴家吳宇晴Shelley,分享今次策劃音樂會《坐看月起時》嘅經過,喺大館表演到底需要考慮啲乜嘢?演出曲目嘅編排同Shelley 嘅人生經歷以及大館又有咩關連?~
www.rthk.hk/radio/radio2/programme/culturecon/episode/918327
媒體:第二台|日期:11/11/2023
「 西貢海藝術節 」,以鹽田梓 為中心「連接」 西貢海 嘅島嶼 : 橋咀洲 、滘西洲、以及 糧船灣。藝術節由旅遊事務署主辦,一口設計工作室策展,香港地質公園支持,為期三年。嚟到第二屆,活動數量比上年更多,除咗有18件藝術作品比大家欣賞之外,記得聽下策展人張國麟 Alan喺節目內嘅分享。 老店+ 保育+ 藝術 = 地產 + 投資買賣 ? 插畫家飛天豬 (黃詠珊)分享佢有份策動嘅藝術計劃「寓延地產代理」,點樣從經濟角度、消費手段,提升大眾對老店保育嘅關注。有興趣嘅朋友,記住收聽今集節目喇!
www.rthk.hk/radio/radio2/programme/culturecon/episode/916916
媒體:第二台|日期:04/11/2023
饒宗頤文化館 ( 饒館 )坐落於擁有百年歷史嘅三級歷史建築群,同時亦係香港特區政府發展局「 活化歷史建築伙伴計劃 」嘅首批活化項目之一。 即將邁向十周年嘅饒館,獲得孫少文基金會支持,除左翻新藝術館嘅展覽設施,亦得到孫博士借出珍藏嘅 #饒宗頤 及嶺南四君子 ( 趙少昂 、 黎雄才 、 關山月 、 楊善深 ) 合作嘅繪畫作品,讓饒館長期展出。 今集節目邀請到香港大學饒宗頤學術館館長李焯芬教授、副館長(藝術)鄧偉雄博士分享佢哋同饒公認識嘅故事,亦會講到饒館嘅最新發展。另外,一新美術館 總監 #楊春棠 將會分享饒館展覽館嘅翻新設計,亦會講到最新展覽「嶺海風韻:饒宗頤與嶺南四君子合作畫」,想知道乜嘢係合作畫,以及呢批作品嘅特色?記住收聽今集節目喇!
www.rthk.hk/radio/radio2/programme/culturecon/episode/915470
媒體:第二台|日期:28/10/2023
《 仲夏夜之夢 》係 莎士比亞 四大喜劇之一,德國音樂家 孟德爾遜 亦按住呢個故事創作配樂。 香港管弦樂團 即將帶嚟《張艾嘉的仲夏夜之夢》,集編、導、演於一身嘅影后 張艾嘉 將會一人分飾劇中所有角色。究竟今次個製作仲有咩特別之處?孟德爾遜嘅音樂有咩特色?香港管弦樂團巿場推廣總監胡銘堯 Dennis 將會話曬你知~ 「劇場對話系列」最後一集,邀請到香港話劇團中最資深嘅演員周志輝 ,由零開始,分享佢成為專業演員嘅心路歷程。到底「周輝」當年讀咩科,以致佢踏上演員之路?入行超過四十年,佢最難忘嘅演出經歷又係咩? 有興趣嘅朋友,記住收聽今集節目喇!
www.rthk.hk/radio/radio2/programme/culturecon/episode/914417
媒體:第二台|日期:21/10/2023
「船到橋頭自然直」大家聽得多,咁「船到橋頭生活節 」你又聽過未呢? 一架遊走於長洲、坪洲、同大嶼山嘅橫水渡,啟發陳俊傑、葉啟俊等人策劃呢個生活節。嚟到第二屆,佢哋希望引領大家關心包圍呢啲島嶼嘅「離島海」,以及喺呢度居住嘅物種,亦可以參加十一月喺長洲、坪洲、梅窩、坪洲舉行嘅相關活動。 劇場對話系列第七集,請嚟香港話劇團 演員張紫琪 Kiki 及 陳健豪 Angus。佢哋將會由考入香港演藝學院,以及點解入話劇團,再講到難忘嘅「身體抱恙仍然要上台演出事件」。想知道點解Angus 「考2次演藝1 take pass事件」,同埋張紫琪難忘嘅台上經歷係乜嘢?咁就記住收聽今集節目喇!
www.rthk.hk/radio/radio2/programme/culturecon/episode/913008
媒體:第二台|日期:14/10/2023
熱愛推理作品嘅朋友,應該都拜讀過日本推理小說家東野圭吾嘅作品,不過佢呢部與別不同嘅《解憂雜貨店》,你又睇過未? 除咗文學以外,《解憂雜貨店》先後以電影、舞台嘅形式同大家見面,而中英劇團將呢個作品帶到香港舞台,即將嚟到第三次演出,劇團嘅助理藝術總監盧智燊分享一個演前嘅「特別安排」,佢亦都講到呢個作品嘅意義。 常言道人生有幾個十年,香港話劇團演員申偉強入團近三十年,過去經歷高低起跌,甚至迷失自我嘅階段,到底佢點樣一路走來?佢搵到演戲嘅意義係咩呢?訪問之中申偉強亦會分享多年嚟一個令佢極難忘嘅演出經驗。
www.rthk.hk/radio/radio2/programme/culturecon/episode/911666
媒體:第二台|日期:07/10/2023
多媒體藝術家 #彭淑儀 以及雕塑家 #潘星瑋 獲 #建造業零碳天地 邀請,參與#戶外藝術展 「築覺 – 物料與結構對談」,因為月前嘅惡劣天氣,令作品受到意料之外嘅衝擊。兩位藝術家由最初接觸藝術嘅故事講起,再介紹今次展品嘅創作理念。 劇場對話系列第五集,請嚟 #香港話劇團 嘅演員 #郭靜雯 、#歐陽駿 ,探討舞台劇界情侶夫妻檔現象。對於演員嚟講抽離唔到一個角色係咩一回事?劇場界別易生情愫,因為日久生情、抽離唔到角色,定咩原因?而同一間公司工作,同樣做演員一職,會為一段親密關係帶嚟乜嘢衝擊同反思?
www.rthk.hk/radio/radio2/programme/culturecon/episode/909903
媒體:第二台|日期:30/09/2023
對體障人士嚟講,「行行企企、走走趯趯」可能係一種挑戰。社區文化發展中心CCCD自2013年起舉辦「觸感藝術節」,打破一般藝術節以視覺為主嘅表達形式,使到欣賞同參與藝術,成為視障朋友嘅權利和機會,同時令大眾更加了解視障人士嘅世界。 《第九屆觸感藝術節-觸感漫遊 展覽II:走走趯趯》,繼第一階段展覽「行行企企」之後,第二階段走入北角油街實現嘅油街玻璃屋,為十位視障及健視藝術家提供一個平台,將佢哋嘅心聲透過藝術同大眾分享。CCCD節目統籌馬穎汶Mandy 聯同策展人黃嘉瀛,分享視障藝術家點樣透過作品去留住回憶,喚起大家嘅笑臉、健視藝術家又點樣透過創作走入視障人士嘅世界。 「劇場對話系列」繼續請嚟 #香港話劇團 三位助理藝術總監 方俊杰、劉守正、邱廷輝,繼續分享劇場人嘅二三事。劉守正點解會話將興趣變成職業好幸福,但同時都好痛苦?對方俊杰影響至深嘅舞台作品又係邊個?而邱廷輝因為工作而留下一個遺憾,到底發生咩事? 有興趣嘅朋友,記住收聽今集節目喇!
www.rthk.hk/radio/radio2/programme/culturecon/episode/907339
媒體:第二台|日期:23/09/2023
形形色色嘅藝術節都可以喺香港搵到,當中不乏著名嘅海外藝術家或藝術品㗎! #新視野藝術節 2023,將藝術家們喺疫情期間醞釀嘅作品呈現觀眾眼前,至於今屆節目嘅亮點何在,當然要聽下康文署藝術節辦事處高級經理蔡玫娜Anne嘅介紹。 「劇場對話系列」,繼續有 #香港話劇團 嘅三位助理藝術總監:方俊杰係因為邊兩位「前輩」而踏入舞台劇世界?邱延輝兼任演員同行政工作是咪適應呢?劉守正大爆自己從演以嚟「去得最盡嘅一次」! 有興趣嘅朋友,記住收聽今集節目喇!
www.rthk.hk/radio/radio2/programme/culturecon/episode/907337